Festa e Panit mblodhi banore të shumtë nga Krahina e Kurveleshit si dhe fshatrat e bregut të detit në sheshin e restauruar totalisht të fshatit Nivice Kurvelesh.
E menduar në dy pjesë si një menyrë për të promovuar jetën pastorale si dhe tufat e ëedha të dhive si nje prej pjeseve me te spikatura te tradites Labe, kjo festë gjalleroi një prej zonave të braktisura të jugut të Shqipërisë.
Kjo ishte hera e parë që në mënyre te organizuar banorët të kishin mundësi të reklamonin prodhimet e tyre duke pasur mundësi që në të ardhmen të krijonin bashkëpunim në shkëmbimin e produkteve respektive.
Për më shume vendosje e bashkepunimit tregëtar në industrine lokale të turizmit duke promovuar prodhime vendase në te gjitha hotelet dhe restorantet e jugut.
Nderkohe në mbremje barinjte e zonës me krenari prezantuan perpara nje jurie cjepet që prijnë kopetë e tyre.
Cjapi, nje simbol i rëndësishem i pjellorise, rezistencës dhe bukurise së tufave baritore është personifikimi i kesaj treve e cila që nga lashtësia e ka ruajtur këtë kafshe fisnike si një prej vlerave më të rëndësishme të saj.
Për kete arsye Pani i mitologjise mbrojtësi i barinjve kullotave dhe jetës pastorale u përzgjodh si nje simbol i rimëkëmbjes së jetës në këtë zonë të braktisur nga banoret e saj, por që me zhvillimin e turizmit rural mund të marrë jetë.
