Telefonat celularë, mjetet e mprehta lëndët narkotike dhe shumë të tjera janë disa nga sendet që janë të ndaluara kategorikisht për personat që vuajnë dënimin në burgje.
Por, siç e dinë të gjithë, të burgosurit e gjejnë gjithnjë një mënyrë për të “infiltruar” disa prej këtyre sendeve në qeli.
Futja e sendeve ndodh kryesisht nga takimet me familjarë, në këto takime ata sjellin veshje ose ushqime,
por ka nga ata që tentojnë të fusin sende të ndaluara. dhe më të preferuarat janë aparatet telefonike dhe droga.
Ndër shpikjet më të çuditshme të të afërmve për të futur sende brenda burgjeve mund të radhisim telefona të fshehur poshtë shollës së këpucëve, në fundin e
dyfishtë të një tenxhereje, apo brenda një patateje, apo pincat të ngjiten brenda në atlete.
Ka raste kur edhe një kungull mund të mbushet me hashash, po ashtu edhe specat. Pas kësaj, perimet ngjiten sërish sikur sapo të jenë këputur nga kopshti.
Edhe mollët kane vlerë tjetër në burg, pasi një i burgosur i fermenton dhe i bën raki qelie dhe kjo është tenxherja gati për pijen.”
Mbi 100 telefona sekuestrohen çdo muaj, në përpjekjet e dëshpëruara për të përfunduar në dorën e një të burgosuri.
