Hetimi Tatimor vijoi edhe këtë fundjavë verifikimin e subjekteve në sektorin e turizmit.
Strukturat e specializuara zhvillua kontrolle në rajonin e veriut në zonat turistike të qarkut Shkodër e Lezhë, nga Velipoja në Tale e Patok, si dhe në zonat malore të Valbonës, Razmës e Thethit.
Që nga data 22 qershor e në vazhdim, nga kjo drejtori, u verifikuan në total 397 subjekte, nga të cilat, 186 u gjobitën me një vlerë prej rreth 6.9 milionë lekësh.
Kontrollet vijojnë dhe në bregdetin e Jugut ku Tatimet njoftuan se kanë bllokuar 7 hotele të cilët ushtronin aktivitet të paregjistruar në Drejtorinë e Tatimeve.
Sipas kësaj drejtorie hotelet janë gjobitur kryesisht për moslëshim kuponi tatimor punonjës të padeklaruar, mallra pa faturë por edhe për mosmbajtjes së pajisje fiskale në punë.
Disa prej hoteleve të bllokuara nuk ishin regjistruar pranë organeve tatimore.
