Një tjetër këngëtare në Greqi ka deklaruar se është me origjinë shqiptare. 23-vjeçarja Bela Meri, e cila kishte marrë pjesë në X Factor në shtetin grek, tregoi publikisht se është nga Shqipëria, konkretisht nga Korça.
Ajo e ka zbuluar të vërtetën në një studio televizive ku ka folur për karrierën e saj dhe për origjinën.
“Jam nga Shqipëria, konkretisht nga Korça. Shkoj shpesh atje për festa. Në Greqi erdha kur isha 3 vjeç”, u shpreh ajo.
Bela Meri është në fillimet e karrierës së saj në Greqi, megjithatë ka kënduar cover disa këngë mjaft të njohura greke.
Disa muaj më parë, Eleni Foureira deklaroi publikisht se është shqiptare. Ajo është këngëtare mjaft e suksesshme në Greqi dhe së fundmi përfaqësoi Qipron në Eurovizion ku zuri vendin e dytë.
