Tashmë nuk ka më dilema. Ndeshja Vllaznia- Korabi e vlefshme për javën e parë të kampionatit të kategorisë së parë, do të luhet të shtunën në orën 16.00 në stadiumin “Loro Boriçi”.
Ky është njoftimi që ka dalë nga vetë klubi shkodran i cili bën të ditur se ka marrë të gjitha masat për mbarëvajtjen e kësaj ndeshje.
Dilemat nëse do të luhej në këtë stadium apo në fushën sportive “Reshit Rusi”, kishin çorientuar disi edhe opinionin sportdashës por drejtuesit e klubit Vllaznia kanë gjetur akordin që ndeshja të luhej të impiantin modern të “Loro Boriçit”.
Ky do të jetë testi i parë serioz për kuqeblutë që në fakt në përgatitjet e këtij sezoni nuk kanë patur mundësinë të prekin asnjëherë tapetin e këtij stadiumi.
Megjithatë kjo nuk duket pengesë për ta nisur me fitore kampionatin e ri.
www.shkodrasport.com
