Instragami ka një shef të ri. Adam Mosseri, ish-zëvendës drejtor i produkteve, është bërë drejtori i ri i Instagram-it, aplikacioni i njohur për shpërndarje të fotografive në pronësi të Facebook.
Kompania amerikane ka konfirmuar se Mosseri merr përsipër menaxhimin e Instagram.
Lajmi vjen një javë pasi themeluesit e Instagram-it, Kevin Systrom dhe Mike Krieger papritur deklaruan se do të hiqnin dorë nga “Facebook”, 6 vjet pasi shitën kompaninë e tyre tek Mark Zuckerberg për 1 miliard dollarë.
Ata shprehën kënaqësinë që Mosseri erdhi në krye të kompanisë. Madje dje një foto e të treve u publikua në Instagram.
Mosseri në vitin 2008 filloi të punojë në kompaninë Facebook, në ekipin për dizajn, pas çka kaloi në ekipin për Instagram.
Systrom dhe Krieger javën e kaluar theksuan se kanë vendosur të largohen nga kompania për të “rieksploruar kuriozitetin dhe kreativitetin e tyre”.
