Eni Latifi është 11-vjeçari shqiptar nga Gjilani, i cili rendit disa medalje të arta në karate në kompeticionet e zhvilluara në Gjermani.
Ai mori pjesë në katër turne këtë vit në shtetin gjerman dhe arriti të zinte vendin e parë.
Djaloshi u ndesh edhe me rivalë serbë, grekë e rusë dhe arriti t’i mposhte duke fituar titullin kampion.
Latifi ka nisur të merret me karate që në moshën 5-vjeçare dhe prej 4 vitesh mban rripin e kafenjtë dhe vendin e parë në Baden-Württenmberg.
Në Gjermani, për djaloshin 11-vjeçar kanë shpresa të mëdha se do të ecë përpara dhe do të arrijë majat në sportin e karatesë.
