Kreu i Bashkisë së Durrësit, Vangjush Dako, deklaroi se në lidhje me pastërtinë e figurës së tij nuk mund të flasë askush për shkak të punës dhe reputacionit të tij.
I ftuar në “Opinion”, Dako shkëputi një metaforë për t’a ilustruar këtë, duke u shprehur se është një akullore dhe duart e tij janë të pastërta dhe jo si kreu i PD-së Lulzim Basha që i ka të zeza dhe me gjak.
“Nuk mund të dalë kreu i opozitës dhe të thotë të arrestohet kreu i Bashkisë së Durrësit, unë jam njeri dhe kam ndjenja, por mbi të gjitha kam dhe familje.
Unë jam njeri me reputacion jo vetëm në Durrës, por në të gjithë Shqipërinë. Unë jam akullore, duart e mia janë akullore të pastërta dhe jo si kreu i opozitës që i ka me gjak dhe të zeza“,-tha Dako.
