Më duhet një veshkë për gruan time, B +. Kështu lexon letra e printuar, që një burrë nga Brooklyn mban me vete çdo ditë.
Kur bashkëshortja e Raymond Thompson, Mylen, u diagnostikua me sëm.undje të veshkave dy vjet më parë, ajo zbuloi gjithashtu se asnjë nga anëtarët e familjes së saj nuk përputhej me të.
Kështu, Raymond vendosi të vinte një “tabelë” në trupin e tij me anë të së cilës i kërkonte botës ndihmë.
Ai e mban tabelën çdo ditë dhe një ditë e pikasi edhe një redaktor i rrjetit CNN, ndërkohë që po bënte blerjet në një market.
Gazetari e ndau foton e Thompson-it në Twitter dhe që prej atëherë ajo u bë virale në rrjetet sociale. Kjo ndihmoi akoma më shumë që apeli për ndihmë të shkonte tek më shumë njerëz.
Ndërkohë, Raymond ka deklaruar për CNN se një numër i madh njerëzish e kanë kontaktuar duke i ofruar ndihmë.
Ndërsa ata ende nuk e kanë gjetur akoma një person që përputhet me gruan e tij, Raymond ka premtuar të vazhdojë të hyjë në punë çdo ditë duke mbajtur çantën e shpinës me tabelën që kërkon ndihmë.
