Idea se çiftet e lumtura shtojnë në peshë kur ata e duan njëri-tjetrin tingëllon paksa e panatyrshme, por çuditërisht, ka prova që mbështesin këtë deklaratë.
Sipas disa studimeve, çiftet që raportuan se ishin të lumtur dhe të kënaqur në marrëdhëniet/ martesat e tyre kishin më shumë gjasa të shtonin në peshë.
Ja se çfarë zbulon hulumtimi
Çiftet e martuara shtojnë në peshë
Studimet e bëra nga Universiteti i Karolinës së Veriut ndoqën matjet e peshave të një grupi prej më shumë se 8,000 njerëzve dhe u konkludua se një grua e martuar mund të fitojë mesatarisht 11 kilogramë gjatë 5-6 viteve të para të martesës së saj.
Përveç kësaj, gratë që jetonin me partnerët e tyre por nuk ishin të martuar fituan 10 kilogramë ndërsa gratë që ishin ende në fazën e takimeve por nuk jetonin me partnerin e tyre fituan vetëm 6 kilogramë.
Studimi gjithashtu peshoi meshkujt gjatë tranzicionit nga të qenit i vetëm deri në marrëdhënie dhe zbuloi se meshkujt që kishin bashkëjetuar me partneret për më shumë se dy vite kishin dy herë më shumë gjasa të fitonin më shumë se 11.3 kilogramë se burrat që nuk jetonin me partneret e tyre.
Studimi arriti në përfundimin se ekziston një lidhje e fortë midis marrëdhënieve romantike dhe numrit të rezultateve të lidhura me obezitetin.
Megjithatë, edhe pse rritja e peshës është e dukshme në marrëdhëniet romantike afatgjata, kishte një rënie të ndjeshme të pirjes së duh.anit dhe ab.uzimit me alko.olin, i cili tregon gatishmërinë e çifteve për të ndjekur një mënyrë jetese më të shëndetshme
Çiftet e reja të porsamartuar
Më shumë hulumtime u kryen për të shqyrtuar nëse shtimi i peshës tek çiftet e reja të martuara ishte një reflektim pozitiv ose negativ i lumturisë së tyre.
Studimi ndoqi çiftet që kishin qenë të martuar për më shumë se 4 vite dhe shqyrtoi shëndetin e tyre emocional dhe nivelet e stresit.
U zbulua se çiftet që kishin qenë lumturisht të martuar kohët e fundit kishin dy herë më shumë gjasa për të shtuar në peshë, ndërsa çiftet që raportuan se nuk ishin aq të lumtur me bashkëshortët e tyre kishin më pak gjasa të fitonin peshë.
Studimi arriti në përfundimin se çiftet e lumtur shtojnë më shumë peshë, sepse nuk kanë nevojë të tërheqin një partner tjetër dhe ata ndjehen më të lumtur në mënyrën se si ata janë. Ndërsa çiftet që ndjehen të pakënaqur në marrëdhëniet e tyre nuk janë në gjendje të shtojnë më shumë peshë për shkak të stresit.
Sidoqoftë, rekomandohet për çiftet e lumtura të martuara të cilët shtojnë peshë të kenë parasysh indeksin e masës trupore për shkak të problemeve shëndetësore dhe jo pamjen e tyre.
Një studim i bërë nga New England Journal of Medicine tregoi se shtimi i peshës është gjithashtu ngjitës tek çiftet e martuara. Nëse një partner po shton në peshë, partneri tjetër ka një shans prej 37% që të shtojë më shumë peshë.
Kjo është për shkak se ata përshtaten me zakonet e njëri-tjetrit, pasi ata kalojnë aq shumë kohë së bashku. Ndërsa çiftet që mund të jenë të pakënaqur në marrëdhëniet e tyre shmangin kalimin e kohës së bashku kështu që bëhet më e vështirë për t’u përshtatur me zakonet e të ngrënit të të njëri-tjetrit.
Personat që kryen studimin analizuan mjedisin social, zakonet dhe aktivitetet e ndërsjella të çifteve dhe arritënnë përfundimin se shtimi i peshës reciproke rrjedh nga të dy individët që ndikojnë psikologjikisht tek njëri-tjetri me zakonet e tyre të ngrënies.
Është e rëndësishme të kihet parasysh se edhe pse këto janë studime të kryera nga profesionistët e shëndetësisë, ato tregojnë vetëm një numër rastesh në botë dhe jo të të gjithëve, kështu që nuk vlen për të gjithë.
Ka gjithmonë përjashtime dhe kjo nuk do të thotë se kur nuk fiton peshë kur je i/e martuar, nuk je i/e lumtur me partnerin tënd. Këto studime u bënë kryesisht për të kuptuar situatat e jetesës së çifteve dhe për të ndihmuar në luftën kundër obezitetit.
Është jetike për të ndikuar tek njëri-tjetri në mënyra pozitive me shprehitë e shëndetshme të të ngrënit dhe mënyrën e jetesës pa marrë parasysh peshën, për të shijuar shoqërinë e njëri-tjetrit për pjesën tjetër të jetës suaj.
