Një shqiptar nga Kosova ka bërë një veprim për të cilin mund të thuhet se ka bërë të ndihen krenar të gjithë shqiptarët.
E themi këtë pasi Kushtrim Sadikaj, i cili është pronar i një kompanie në Berlin ka ngritur në qiell flamurin Shqipërisë dhe atë të trojeve Dardane.
Ai ka shkruar mbrëmjen e sotme në redaksinë e JOQ Albania dhe ka nisur edhe disa foto që tregojnë se si ka ngritur mes kryeqytetit të Gjermanisë, flamurin e Shqipërisë.
Siç shikohet dhe në foto, ai i ka bashkuar të dy flamujt dhe i ka vendosur ata majë një vinçi për t’i ngritur lart më pas që të valëviteshin në qiellin gjerman.
Po ashtu edhe xhaketa që mban veshur biznesmeni kosovar tregon se ai është mjaft patriot, pasi në të është e vizatuar shqiponja dy krenare.
E si përfundim mund të thuhet se kjo ide është pothuajse e ngjashme me dronin që u ngrit në qiellin e Beogradit teksa kombëtarja jonë futbollit luante në fushën e gjelbër me atë të Serbisë, por këtë herë në Berlin veprimi i Kushtrim Sadikajt nuk ka shkaktuar trazira.
