Psikoterapistja Ellen Goldberg ka treguar sekrete të vogla për jetën, dashurinë dhe martesën me anë të përdorimit të palmistrisë. Dy vijat që ndodhen në duar zbulojnë informacione rreth dashurisë dhe martesës. Vija e parë ndodhet në Piedestalin e Venerës, që ndodhet në pëllëmbën e dorës nën gishtin e madh.
Vija e dytë quhet vija e dashurisë dhe ndodhët nën gishtin e vogël të dorës. Nëse ju shikoni një vijë shumë të gjatë kjo nënkupton shumë fat. Ju do të keni fat për gjithë jetën në dashuri dhe familjen tuaj. Sipas Goldberg vija që ndodhet afër Piedestalit të Venerës është e saktë përsa i përket përcaktimit të dashurisë në jetë.
Që ta dalloni këtë gjë identifikoni vijën e jetës midis gishtit tregues dhe gishtit të madh. Vizatoni një vijë e cila është e dukshme nga vija e dashurisë për në vijën e jetës dhe shihni ku përfundon. Nëse vija nis afër gishtit tregues kjo ka kuptimin e një dashurie të madhe që ju keni në jetë nga miqtë dhe familja, por kjo dashuri gjithsesi nuk është një dashuri pasionante.
Kur të shihni pëllëmbët e duarve shihni sa afër janë këto dy vija, ajo e dashurisë dhe ajo e jetës. Sa më pranë njëra tjetrës të jenë këto dy vija aq më shumë intime do të jetë marrëdhënia.
