Ish-anëtari i grupit OTR, reperi Blazer, ka qenë i ftuar në emisionin “Glamour Zone”. Ai ka folur gjatë për jetën e tij private dhe profesionale. Blazer tregoi se në moshën 11 vjeç ai ka shitur qese tek tregu i 5 Majit dhe me lekët që ka fituar ka blerë një bluzë të ekipit të Milanit.
Cila ka qenë puna e parë që ke bërë?
Blazer: Më ke kthyer shumë vite mbrapa. Nuk e di a i kini parë ata fëmijët e vegjël që shesin qese tek tregu tek 5 Maji? Një ndër ta kam qenë edhe unë. Kam qenë në moshën 10 ose 11 vjeç dhe kisha ardh nga fshati, kisha ardhur këtu për të parë Tiranën.
Unë doja të punoja dhe shisja qese tek tregu i 5 Majit. Në fund të tre javshit që ndejta këtu, kam blerë një bluzë të ekpit të Milanit me Maldinin. Për 2-3 javë unë fitova rreth 15 mijë lekë të vjetra.
