Prej shumë kohësh, Ledri Vula ia kishte besuar karrierën menaxherit dhe mikut të tij Faton Shoshit, por në nëntor të vitit 2019 dyshja e ndërpreu bashkëpunimin. I ftuar sot në emisionin “Pardon My French” në Top Albania Radio, Ledri sqaroi njëherë e mirë marrëdhënien e tyre. Teksa theksoi se mes tyre janë ndërprerë vetëm raportet e punës, ai tha:

“ Unë e kam vazhduar miqësinë me Fationin, por ai ka edhe portalin “Indeksonline” dhe është fokusuar të pjesa e medias”. Më pas, Ledri foli edhe për marrëdhënien me Flor Mumajesin. “Marrëdhënia është shumë e mirë. E respektoj shumë. I vetmi njeri që ndjehet rehat nën lëkurën e vet. Më shkruan “Ku je o artist me A të madhe”. Raportet janë të mira por është një kohë që s’kemi bërë diçka”, tha ai.

Teksa gazetarët u ndalën te bashkëpunimi i Ledri me Era Istrefin “Shumë pis”, ai tregoi edhe raportin me të. “Erën e kam shumë shoqe. Studio session kemi bërë shumë herë.Kemi bërë disa këngë, por ajo është më shumë e fokusuar jashtë. Kur të kthehet do vazhdojmë bashkëpunimet”, u shpreh reperi.