Kreu i Urgjencës Kombëtare, Skendër Brataj ka reaguar ndaj të gjithë atyre që po ndërhyjnë në punën e mjekëve dhe ndaj teorive që po hedhin ndaj vaksinave kundër koronavirusit.
Nëpërmjet një postimi në rrjete sociale, Brataj shkruan se të gjithë po bëjnë si mjekë, ndërkohë që nuk dinë asgjë.
Ai shkruan se ka rrezikuar madje edhe jetën e tij në betejën me virusin dhe vazhdon ta rrezikojë si pasojë e profesionit që ka zgjedhur dhe këtë nuk ia ka këshilluar as Soros, Bill Gate, apo politika.
Ai thotë se ai dhe familja e tij janë vaksinuar duke ironizuar kështu akuzat për propagandë për injektimin e vaksinës.
“Prokurori dhe institucionet përkatëse, na ndihmoni! Ndalojini përhapësit e gënjeshtrave, përhapësit e terrorit, përhapësit e panikut, përhapësit e pa sigurisë!” shkruan Brantaj midis të tjerash.
