Sikurse jemi në dijeni ora policore është hequr, por ajo që nuk lejohet pas orës 22:00 është muzika e lartë.
Vendimi u mor dhe u deklarua para dy ditësh nga Komiteti Teknik i Ekspertëve, por në fuqi hyri mbrëmë. Tanimë qytetarët mund të qarkullojnë lirshëm në 24 orë, mirëpo ajo që nuk lejohet është muzika e lartë. Kështu, bizneset do të jenë të hapura, por pa muzikë pas orës 22:00.
Akti normativ për heqjen e muzikës u vu një vit më parë nga Ministri i Brendshëm, Bledi Çuçi më 26 maj të vitit të shkuar. Në doKument theksohej se do të ishte po Çuçi ai që do të vendosë për lejimin e muzikës për këtij orari.
“Në çdo mjedis shërbimi ndalohet muzika pas orës 20:00. Mosrespektimi i këtij detyrimi nga subjektet dënohet me gjobë 1 000 000 (një milion) lekë dhe, në rast përsëritjeje, me pezullim aktiviteti për një periudhë 6-mujore. Institucioni përgjegjës për zbatimin e kësaj pike është Policia e Shtetit,”- thuhej në VKM.
Po tani çfarë do të ndodhë? A do të dalë një tjetër VKM për lejimin e muzikës?
