Aktori Florjan Binaj i cili ka qenë aktiv që prej ditës së parë në protestën e organizuar në Tiranë nga ana e qytetarëve kundër rritjes së çmimit të naftës dhe produkteve ushqimore, i ka bërë thirrje politikës të qëndrojë larg.
Përmes një postimi në Instagram, Binaj kërkon që politikanët, qeveritarët dhe ish qeveritarët e çdo lloj ngjyre të rrinë larg protestës së shqiptarëve, pasi për gjendjen në të cilën sot ndodhet vendi vjen dhe për shkak të tyre.
Sipas tij kjo protestë ka vetëm ngjyra kuq e zi, dhe u përket vetëm qytetarëve të ndershëm, dhe jo atyre që e kanë dëmtuar këtë vend prej vitesh.
Në protestat në Tiranë, por edhe në rrethe gjatë këtyre ditëve është vënë re edhe prania e deputetëve, të cilët në disa raste edhe kanë përplasur me policinë.
