Një ngjarje mjaft e rëndë është regjistruar në Greqi ku një 73-vjeçar në Rodos ka pranuar përdhunimin e vajzës së tij 49-vjeçare e cila vuan nga probleme të shëndetit mendor.
Sipas mediave greke, babai është thirrur sot për të dëshmuar pranë një oficeri të Nëndrejtorit të Sigurimit Rodos dhe sipas informacioneve ka rrëfyer se ka kryer marrëdhënie seksuale me vajzën e tij.
“Nuk e di se çfarë ka ndodhur, djalli ka hyrë në mua”.-kanë qenë fjaët e tij të para.
Më 28 shkurt 2022, djali i 73-vjeçarit ka raportuar në nëndrejtorinë e Sigurimit të Rodos se më 26 shkurt 2022, një fqinjë i tyre ka parë motrën e tij me të atit duke kryer marrëdhënie seksuale.
Dëshmitari okular i ngjarjes tha në veçanti se mëngjesin e datës 26 shkurt 2022, ai hipi në një kamion dhe pa në shtëpinë ngjitur, konkretisht në gjysmëbodrumin e saj, nga dera e hapur e hyrjes, 73-vjeçarin duke kryer marrëdhënie me të bijën.
Kur burri pa jashtë, tha ai, ngriti pantallonat dhe e çoi vajzën në një dhomë tjetër dhe mbylli derën. Ai doli nga shtëpia 20 minuta më vonë dhe më pas dëshmitari pranoi se e identifikoi 73-vjeçarin.
Fillimisht për të përkujdesej nëna e tyre e cila u nda nga jeta në vitin 2009, e më pas vëllai i saj, ndërsa prindërit e tij janë divorcuar që në vitin 1982 dhe në këtë proces babai i tij është rimartuar. Madje, vëllai i saj zbuloi se motra e tij ishte përdhunuar nga një burrë tjetër 7 vjet më parë në Monte Smith.
Vajza 49-vjeçare, sipas të njëjtave informacione, është ekzaminuar dhe ka konfirmuar përdhunimin nga babai i saj, madje ka thënë se dëshiron të dënohet me burgim të përjetshëm.
