Rikthimi i Sokol Ballës në Top Channel solli disa ndryshime të mëdha edhe pse jemi në mes të sezonit televiziv. Balla do të mbajë postin e drejtorit të informacionit dhe normalisht do vazhdoj me emisionin e tij tq zakonshëm “Top Story” në prime-time.
Ardhja e Ballës bëri që Eni Vasili dhe “Open” i saj të largohen nga Top Channel. Eni ka njoftuar se shumë shpejt do rikthehet në News 24 në prime time. Ndërkohë ditët e fundit nuk ka qenë shumë aktive në rrjetet sociale.
Kjo zgjedhje e moderatores si duket është për të mbledhur fuqitë për një nisje të mbarë. Ditën e djeshme Eni Vasili ka ndarë një foto në palestër ku duket se po ushtrohet fort në palestër për të qenë sa më në formë për eksperiencën e re në karrierën e saj.
Nga burime pranë saj, thuhet se Vasili nuk e priti aspak mirë vendimin e Top Channel për ta larguar në mes të sezonit, në një kohë që ajo ka bërë mjaft sakrifica për këtë ekran.
Kujtojmë se edhe kur ishte shtatzënë dhe në ditët e fundit të pritjes së ëmbël, ajo vazhdoi pa ndalur emisionin e saj pasi ishte një periudhë shumë e ngarkaur me zhvillime politike.
Tani Eni do të hedhë pas zhgënjimin që mori nga ky televizion dhe do të rikthehet në “News 24”, një ambient që e njeh mjaft mirë pasi ka punuar dhe më parë.
