Një 89-vjeçare ka rënë në prangat e policisë greke, pasoi akuzohet se ka ushtruar dhunë fizike ndaj bashkëshortit të saj 90-vjeçar.
Por mesa duket 89-vjeçarja është sy pa trembur, sipas medieve greke ajo ka thënë në komisariat se e ka rrahur bashkëshortin më parë dhe jo tani dhe se nuk e ka rrahur kurrë për ta mbytur.
“Dikur e godisja, tani jo. Nuk e kam rrahur as për ta vrarë”, ka thënë në mënyrë karakteristike e moshuara, raporton protothema.gr.
Sipas aktakuzës ndaj 89-vjeçares, e moshuara do të hetohet për veprën penale për lëndime fizike ndaj të shoqit të saj.
Nga ana e tij bashkëshorti i dhunuar 90 vjeç ka thënë se prej 10 vitesh dhunohet fizikisht nga e shoqja dhe se në 24 orët e fundit para se ta denonconte në polici, e shoqja nuk i kishte dhënë ushqim.
