Nënë e bijë u përballën në një seancë ndërmjetësimi te rubrika “Shihemi në Gjyq” te “E diela Shqiptare” në Tv Klan.
Përballja mes tyre ishte mjaft e tensionuar. Nëna e thirri të bijën për shkak se ajo i kishte premtuar se do e mbante, mirëpo tani e kishte nxjerrë në rrugë.
Zonja Vide është 84 vjeçe, nga Lushnja, nënë e cila edhe pse ka rritur 9 fëmijë, tashmë është më e vetmuar se kurrë. Ajo i kërkn vazjës së saj Majlinda që ta mbajë, pasi kështu i ka premtuar, por nga ana tjetër Majlinda e akuzon nënën se i ka shkaktuar shumë probleme, e madje e ofendon atë, sapo e shikon atë në emision.
Majlinda: Paska ardhur dhe këtu kjo? Kjo?! Paska ardhur këtu kjo qelbësira?! Mirë që më zuri me tim shoq po më përzë edhe nga shtëpia. Po paska ardhur edhe këtu ë, po më telendisë ë?! Do vish më në shtëpi ti do vish?! Atje të shkosh në kasolle! Atje ku të lanë çunat.
Zonja Vide: Ti moj, ti do më mbash. Ti që më premtove!
Eni Çobani: Majlinda!
Majlinda: Zonja Eni, ma ka prurë atje ku s’mban më. Plakë e keqe, plakë e fëlliqur, më ke futur në debat me tim shoq. Po më përzë nga shtëpia im shoq mama.
Zonja Vide: Ti më premtove, mos më premtoje.
Majlinda: Të strehova. Çfarë më bëre?!
Eni Çobani: Majlinda pse kështu?! Ke nënën tënde 84 vjeçe?
Majlinda: Po pse vetëm nëna ime është ajo?
Eni Çobani: Po nëna e kujt është, se nëna ime s’është.
Majlinda: Po ka edhe fëmijë të tjerë ajo. Pse më pruri mua këtu ajo. Ka edhe fëmijë të tjerë ta shikojnë edhe ata. Jo vetëm, nuk mundem.
Zonja Vide: Po pse nuk e mendove ti kur më more?
Majlinda: Ngele në mes të rrugës o qelbësirë. Ngele në mes të rrugës o ndyraveshe. Të hapa derën e shtëpisë moj.
Zonja Vide: Se bëre llogarinë ti për nënën? Tani më nxjerr në rrugë.
Majlinda: Derën e shtëpisë ta hapa. Tani më sjell dhe këtu më telendis.
Zonja Vide: Kam rritur 9 fëmijë, të kini turp.
Majlinda: Ke edhe 8 fëmijë të tjerë nuk më ke vetëm mua. Ata ku janë? Sikur nga një muaj…
Zonja Vide: Po pse moj sot u bëra e keqe për ju unë? Se dje isha e mirë që ju rrita.
Majlinda: Po më fut në sherr me tim shoq mama, po më ndan nga im shoq.
Zonja Vide: Po ju rrita moj, ju kam mbajtur në pëllëmbë të dorës bashkë me babain tuaj. Mish e oriz hanit gjithë vitin. Nuk keni parë një ditë zi.
Majlinda: Një javë të mbanin ty ata fëmijë, ata 8 që ke do kalonte gjithë viti./tvklan.al
