U largua vetëm kur ishte 12 vjeç nga qyteti i lindjes Burreli, për tu vendosur më pas në Angli ku sot ka arritur të integrohet në mënyrën më të mirë.
Enver Ruçi, Drejtor Aplikimi dhe pranimi në një Kolegj në Angli, në një intervistë të dhënë për emisionin ABC-ja e Mëngjesit ka treguar me detaje rrugëtimin e tij të vështirë.
Në fillim ai është shprehur se ka pasur vështirësi me nisjen e jetës në Angli për shkak se nuk dinte gjuhën dhe ishte i bullizuar nga shokët.
Gjithashtu ai është shprehur se herë pas here duke qenë larg familjarëve të tij, qante dhe përpiqej që të gjente një forcë për të bërë përpara.
“Në moshën 12 vjeçare jam nisur për në Angli, në fund të shtatorit 1999 jemi nisur dhe në nëntor kam arritur, pas një muaj e pak rrugë. Unë jam nisur bashkë me disa persona të tjerë që nuk e kishim menduar se do të zgjaste aq shumë por me ndihmën e njëri tjetrin ja arritëm. Ka qenë shumë e vështirë pasi nuk dija gjuhën, mësuesja fliste vetëm anglisht dhe nuk e kuptonim, ishim shumë të bullizuar, pasi nuk kuptoja, pas një viti filloi dhe lehtësimi.
Fillimet kanë qenë shumë të vështira. Tashmë jam i martuar dhe kam tre vajza. Jam mirënjohës për familjen që më kanë dhënë dhe suportin më të madh për të ndjekur studimet”, ka thënë ai.
Ndër të tjera shqiptari shprehet se në fillim ka bërë punë të ndryshme si një mënyrë për të gjetur veten dhe për tu bërë pjesë e jetës angleze.
“Kam punuar punë të ndryshme në fillim kam qenë në një fabrikë birrash, dhe kur mbarova shkollën më thanë rri këtu, por i kisha premtuar prindërve se do të mbaroja universitetin dhe u shkëputa nga fabrika e birrës. Më pas në Bimirgan gjatë studimeve promovoja edhe këngëtarët që vinin për koncerte. Si shumica e atyre që janë në Angli që marrin një lloj kredi për të paguar studimet dhe për akomodimin, dhe kur fillo punën e marrin ato detyrimin”, është shprehur ai.
Ndërkaq sa i përket punës së tij prej 15 vitesh në Kolegjin ku edhe është aktualisht, ai thekson se në fillim e ka nisur punën në Call Center dhe pas disa vitesh si pjesë e strukturave të ndryshme të Kolegjit arriti të siguronte dhe postin e drejtorit.
“Kam bërë punë të ndryshme në fillim në kolegj e kam nisur nga call centeri, me regjisytrim studentesh për shkollën, kam punuar për monitorim provimi për studentësh për rreth 9 muajsh më pas kam qene menaxher për sistemin e kolegjit për 4 vite, dhe më pas te roli i teknikëve ku monitoroja punën në departamente të ndryshme, dhe më pas arrita që të marr këtë rol që kam”, ka thënë ai.
