Dita ditës po zbulojmë detaje të reja nga dasma e Arbana Osmanit dhe Eduart Grishaj në Toskana, të Italisë. Edhe pse ende nuk e kemi parë sesi është dukur Arbana nuse, sot janë zbuluar se kush ishin shoqërueset e saj.
Ato ishin 4 dhe 3 prej tyre janë pjesë e ekipit të saj të punës. Bëhet fjalë për gazetaret Petrina Gorica, Kristina Mere dhe Lorina Mixha. Në mesin e tyre është dhe kunata, bashkëshortja e vëllait të Eduartit, e cila është në pritje të ëmbël.
Arbana ka treguar gjithmonë se ka një marrëdhënie të mirë me koleget e saj edhe përtej punës. Me të treja vajzat, Arbana ka bashkëpunuar në shumë emisione që ka pasur nën drejtim.
Kujtojmë se një ditë më parë Arbana na zbuloi një pjesë nga fustani, unaza, ceremonia dhe personat që e ndihmuan. Mirëpo ne po presim me padurim të shohim pamjet e plota të ceremonisë e vecaniërisht të nuses.
