Luiz Ejlli përfundoi eksperiencën e tij në “Big Brother VIP 2”, ku edhe fitoi çmimin e madh. Pjesëmarrja e tij bëri që ai t’i kthehej skenës dhe të punojë për projekte të reja.
Edhe pse shumë i angazhuar me koncerte dhe xhirimet e filmit “Në kuadër të dashurisë”, duket se artisti i njohur gjen pak kohë të jetë pranë fansave të tij edhe përmes rrjeteve sociale.
Ai herë pas here poston në “Instagram”-in e tij foto të ndryshme, ku menjëherë marrin mijëra pëlqim dhe komente.
Por ditën e sotme, teksa ka postuar një foto të tij, këngëtari i dashur për publikun u ka ndaluar ndjekësve që të komentojnë.
“Ndalohen komentet”, shkruan Luizi në foton ku shfaqet i ulur në pragun e një dere dhe e ka shoqëruar me një emoji duke qeshur.
Në fakt këngëtari nuk i ka bllokuar komentet por thjesht ishte një shkrim për humor, pasi menjëherë kanë ‘shpërthyer’ komentet nga 624 mijë ndjekësit e tij.
