Don Phenom dhe David Dreshaj ishin të ftuar këtë të premte në “Pushime On Top”. Ata kanë folur për prapaskenat e hitit ‘Tequila’, një bashkëpunim i suksesshëm i kësaj vere.
Ndër të tjera, Don Phenom ka sqaruar edhe deklaratën e para disa kohëve, për këngëtarin Luiz Ejlli.
I ftuar në TAR reperi u shpreh: “Luizi është tipik shkodran me batutat e veta. Në çdo lagje kemi të paktën 5 Luiza. Është vet qyteti. Për bashkëpunim të shohim, nuk i dihet”.
Sot, i pyetur nga Lei Kraja, ai tha se deklarata e tij është keqkuptuar dhe nuk ka pasur ndonjë qëllim të keq në fjalët e tij.
Ai theksoi se e ka thënë këtë bazuar në natyrën me humor dhe batuta të Luizit, që e ka shfaqur brenda shtëpisë së BBVIP – natyra tipike e një shkodrani.
