Fundi i gushtit, ku lëvizjet janë shtuar për shkak të hyrje daljeve të turistëve, por dhe temperaturat e larta kanë shtuar problematikat shëndetësore tek qytetarët.
Problemet kardiake, viroza të shumta në qarkullim kanë shtuar fluksin nëpër qendra shëndetësore.
“Km pasur tension të lartë, 20-21, nga veshkat”, tha një i moshuar.
Mjekët thonë se ka shumë viroza në qarkullim, por edhe Covid paralelisht çka e ka rënduar situatën shëndetësore.
“Është e lidhur jo vetëm më temp e larta por edhe me hyrjet e daljet e emigrantëve. Pacientët me Covid 19 kanë referuar dhimbje koke, dhimbje fyti, temperatura që varion nga 37-38 gradë celsius dhe dobësi të përgjithshme”, tha dr Blerta Berberi.
E njëjta situatë është dhe tek fëmijët e vegjël të cilët shfaqin më së shumti probleme të aparatit tretës dhe frymëmarrjes. Qendra shëndetësore nr 8 ofron shërbim urgjence edhe gjatë orëve të natës, ndaj prindërit nuk kanë pse të drejtohen për në pediatri.
“Është një ndihmë shumë e madhe për prindërit, sepse i jep fëmijës ndihmën e parë në kohën e duhur, duke shmangur edhe pritjen për orë të tëra në urgjencë. Edhe pritja bën në urgjencë bën të mundur jo vetëm rëndimin e gjendjes së fëmijës por marrjen edhe të virozve të tjera”, tha Berberi.
Janë 4 qendra shëndetësore në Tiranë që ofrojnë shërbim shëndetësor gjatë natës, ajo në “Kombinat-Laprakë”, “Kinostudio” dhe qendrën nr 8 në zonën e “Tiranës së Re” ku fëmija mund të marrë ndihmë mjekësore injeksione apo serume.
