Nëse në një intervistë pune punëdhënësi ju pyet pse konkurroni për atë vend pune, mos thoni se do ikni nga ish-shefi, sepse kështu dukeni kandidat jo i pjekur. Pas një dite të tërë bisede me konkurruesit, ka shumë mundësi që punëdhënësi t’i harrojë shumicën e njerëzve, prandaj juve ju mbetet që të bini në sy me gjëra të mira.
Nga ju pritet që të jeni simpatike, prandaj fillojeni bisedën formale rreth motit, apo tregojeni ndonjë barsoletë të lehtë. Mund edhe t’i keni kualifikimet më të mira, por në intervistë për punë, punëdhënësi kërkon diçka më shumë.
Për shembull, mund t’i thoni se një projekt me rëndësi në vendin paraprak të punës e keni kryer për një kohë përgjysmë më të shkurtër, sesa është pritur nga ju, apo bisedoni rreth ndonjë hobi. Kini kujdes që të mos bini në sy për gjëra negative. Kurrë nuk duhet të bisedoni rreth mosmarrëveshjeve me ish-shefin, sikur që nuk duhet as të flisni keq për ish-kolegët e punës.
Punëdhënësi e di se ju e keni lënë punën paraprake për një arsye, por atij më shumë i intereson pse e doni atë punë tani. Në një rast të tillë nuk duhet të thoni se arsyeja e ndërrimit të vendit të punës është se ikni nga ish-shefi, meqë asnjë punëdhënësi nuk i pëlqejnë punëtorët që flasin keq për shefin e tyre.
