Shpejtësia me të cilën kalojnë makinat në këtë aks në njësinë administrative Rrethina vendos në rrezik jeten e banorëve të zonës apo edhe e kalimtarëve të rastësishëm. Ky segment rrugor me qarkullim të lartë të automjeteve është gati 5 km e gjatë dhe të shumta jane rastet ku është kthyer në burim aksidentesh. Banorët e zonës shpeshherë kanë bërë ankesa si në media e po ashtu edhe në institucione që të merren masa pasi ata thonë se kanë frikë të kalojnë në këtë rrugë.
Si pasojë e mos respektimit të shpejtësisë në këtë rrugë janë shënuar aksidente të shumta ku nuk mungojnë edhe ato fatale. Gjatë natës në këtë aks problem mbetet edhe mungesa e ndriçimit I cili nuk është I plotë pasi në disa vende ai mungon. Ndërhyrja në aksin Hot I Ri – Postribë është shumë e nevojshme sa I përket edhe vendosjes së tabelave të limitit të shpejtësisë pasi ato nuk shihen thuajse askund nga drejtuesit e automjeteve.
Gjithashtu është e nëvojshmë që rruga të monitorohet edhe nga policia në mënyrë që të mos lejohet qarkullimi I automjeteve apo motocikletave duke mos respektuar sinjalistikën rrugore apo duke kryer parakalime të gabuara pasi në këtë mënyrë kthehen në burim aksidentesh.
