Inspektorati i Kryeqytetit përmes një postimi në rrjetin social “Facebook”, ka bërë të ditur se ka zhvilluar procedurat lidhur me rastin e publikuar, që lidhet me rinovimin e kulmit të shtëpisë në lagjen “Bregu i Diellit”, që ishte dëmtuar nga zjarri.
Inspektorati ka urdhëruar palën që të rinovojë pjesët e dëmtuara nga zjarri, duke respektuar formën, lartësinë dhe gjitha pozicionet e mëparshme.
“Për mosrespektim të urdhrit për ndërtimin e njëjtë, inspektorati me datë 18.09.2023, ka urdhëruar palën që kulmin ta kthej në gjendjen e mëparshme, dhe ka shqiptuar gjobë për shkeljet e gjetura”.
Në ditët në vijim inspektorati i ndërtimit do të ndërmarrë të gjitha veprimet e duhura ligjore duke eliminuar të gjitha shkeljet e bëra nga pala në këtë rast”, thuhet në njoftim.
Ditë më parë, në porta;e është raportuar se bëhet fjalë për banesën e këngëtares Mihrije Braha dhe bashkëshortit të saj, Naim Abazi.
Ky i fundit kishte deklaruar se nuk bëhej fjalë për mbindërtim pa leje, por vetëm për rinovim të kulmit.
