Ky vit sjell një atraksion të ri dhe të mrekullueshëm për adhuruesit e aventurave në Alpet e Shqipërisë. Thethi ATV Adventures 4×4 ofron mundësinë për të eksploruar peizazhet mahnitëse të kësaj zone me motorrat me katër rrota. Këto ATV 4×4 janë perfekte për ata që kërkojnë adrenalinë dhe dëshirojnë të vizitojnë atraksionet e shumta të Thethit. Nga shtigjet e larta malore deri te lumenjtë e kristaltë, çdo rrugë e zgjedhur do t’ju lërë pa frymë me bukuritë natyrore të pakrahasueshme.
Një tjetër atraksion emocionues që i shtohet ofertës së Thethit këtë vit është zipline. Thethi Zipline ju ofron një eksperiencë unike duke fluturuar mbi peizazhet magjike të Alpeve Shqiptare. Përjetoni pamjet e jashtëzakonshme të lumit të Thethit, shtëpive karakteristike dhe bujtinave tradicionale nga një këndvështrim krejtësisht i ri. Është një mundësi perfekte për të shijuar bukurinë natyrore dhe për të ndier adrenalinën në një mjedis të sigurt dhe emocionues.
Ju ftojmë të vizitoni Thethin ndryshe këtë sezon veror dhe të përjetoni emocionet e reja që ofrojnë ATV-të dhe zipline. Këto atraksione të reja janë të përshtatshme për të gjithë, qofshin të apasionuar pas sporteve ekstreme apo thjesht adhurues të natyrës dhe peizazheve të mrekullueshme.
Administratoret e kompanive që ofrojnë këto shërbime, Fatmiri dhe Leonardi, shprehen se interesimi nga vizitorët ishte i madh që ditën e parë. Turistët shfaqën interes të veçantë për të marrë me qira motorrat 4×4 dhe për të provuar zipline që ndodhet pikërisht në qendër të Thethit. Këto atraksione të reja jo vetëm që ofrojnë argëtim dhe aventurë, por gjithashtu kontribuojnë në promovimin e turizmit të qëndrueshëm në këtë rajon të bukur të Shqipërisë.
Këtë verë, mos e humbisni rastin për të përjetuar një Theth ndryshe, plot adrenalinë dhe eksperienca të paharrueshme!
