Varianti Omicron i Covid-19 ka vendosur në alarm shumë vende të botës, mes të cilave edhe Shqipërinë.
Duket se ai ka “mbërthyer” vendin tonë, dhe kjo duket qartë në numrin e lartë të infektimeve çdo ditë. Madje 24 orët e fundit, ka një rekord, pasi janë kryer 8136 testime, ku kanë rezultuar pozitiv me Covid, 2177 qytetarë dhe 6 pacientë kanë humbur jetën.
Duket qartë se nga të testuarit, 1 në 4 qytetarë rezulton i infektuar.
Aktualisht në spitalet COVID po marrin trajtim 116 pacientë, nga të cilët 14 janë në gjendje më të rënduar.
Rritja e rasteve duket se është ndikuar po ashtu dhe nga lëvizjet e shtuara gjatë festave të fundvitit.



