Gazetari i njohur Blendi Fevziu do të jetë pjesë e spektaklit “Krishtlindje në Tiranë”. Lajmi është bërë i ditur nga producenti Sokol Guga me anë të një postimi në rrjetin e tij social Instagram, duke u shprehur i lumtur që do të ndajë skenën me Blendi Fevziun.
“Me gazetarin më të mirë dhe më të suksesshëm të ekraneve shqiptare. Me Blendi Fevziu do të jemi në një skenë në spektaklin “Krishtlindje në Tiranë” Faleminderit që i the “PO” ftesës sime”, ka shkruar ai.
Këtë herë do të kemi mundësinë ta shohim Blendin në një spektakël, ndryshe nga sa jemi mësuar prej vitesh duke e parë në Opinion.
Blendi Fevziu është prind i dy vajzave dhe ndonëse është i rezervuar për jetën private, herë pas herë ndan foto me të bijat. I ftuar në “ABC e Mëngjesit”, Fevziu ka treguar se nuk e ka pasur shqetësimin për të pasur një djalë, madje kur ka zbuluar se fëmija i dytë është vajzë është gëzuar pa masë.
“Nuk e kam pasur shqetësimin për një djalë. Kur mora vesh që ishte gocë u gëzova se goca e madhe do kishte një shoqe jete. Marrëdhëniet e tyre janë shumë të mira se kanë 13 vite diferencë me njëra-tjetrën. E madhja e shikon si lodër, e vogla e shikon si një gjë normale, nuk kanë probleme.
Me gocën e madhe nuk kam pasur shumë kohë të jem me të. Me të voglën mundohem t’i kushtojë edhe më shumë kohë, ndoshta edhe për shkak të moshës”, tha gazetari.




