Në moshën njëmbëdhjetë vjeç, ajo bëri një apel në një grup në Facebook të lagjes ku jeton, për ndihmë:
nëna e saj është e papunë, a mund ta ndihmojë dikush? Një apel që doli në internet dhe që ka një histori të trίshtë pas.
Postimi i 11-vjeçares Italiane
“Së fundmi kam humbur babin dhe që nga ai moment filluan prοblemet”, ka shkruar vajza e vogël në Facebook, “Ne do të donim të fillonim të jetojmë normalisht, por kemi nevojë për ndihmë. Falenderoj paraprakisht ata që na ndihmojnë. Kontaktoni mamin për çdo gjë”.
Fatmirësisht, apeli i kësaj vogëlushe mori përgjigje të shumta, si nga ata që donin t’i ofronin nënës së saj një punë konkrete, ashtu edhe nga ata që donin t’i jepnin zonjës disa këshilla sesi të përmirësonte kurrikulën dhe të kërkonte oferta më të mira.
Nëna e fëmijës ka përvojë si në sektorin e kateringut ashtu edhe në atë të përkujdesjes dhe absolutisht duhet të gjejë një punë të re pas ndarjes nga jeta të parakohshme të bashkëshortit.
Shumë përdorues i kanë ofruar asaj të punojë në kompaninë e tyre ose e kanë këshilluar t’i shkruajë një personi të caktuar i cili me siguri do të dijë t’ju ndihmojë më mirë.
Ajo që mahnit dhe ngroh zemrën, në këto raste, është pikërisht bumi i propozimeve dhe solidariteti që nisi menjëherë. Tani gruaja me siguri do t’i vlerësojë të gjitha ofertat dhe shpresojmë që së shpejti të gjejë një vend ku mund të fillojë një kapitull të ri në jetën e saj. Familja e saj ka nevojë për të. Paç fat!




