Kur festat mbarojnë, të gjithë nisin nga pastrimi i shtëpisë. Ndër të tjera, një rëndësi shumë e madhe i kushtohet heqjes së dekorimeve, të cilat ruhen për vitin e ardhshëm.
As në këtë rast nuk mungojnë traditat, sidomos kur bëhet fjalë për heqjen e pemës.
Kjo traditë daton që nga shekulli i katërt, ku shumë të krishterë kanë shënuar fundin e sezonit të Krishtlindjeve në Natën e Dymbëdhjetë (ose 12 netë pas Krishtlindjes). Kjo mbrëmje gjithashtu njihet si vigjilja e Epifanisë.
Epifania shënon ditën kur tre Mbretërit vizituan foshnjën Jezus, dhe festohet ose më 5 janar ose 6 janar.
Megjithëse grupet e krishtera thuhet se nuk pajtohen se cila datë është e saktë, tradita dikton se Nata e Dymbëdhjetë është koha më e mirë për të hequr pemën tuaj. Besohet se lënia shumë gjatë pas Natës së Dymbëdhjetë do të sjellë fat të keq.
Çfarë ndodh nëse pema nuk hiqet në 6 janar?
Në të shkruarën besohej se shpirtrat jetonin në pemë. Gjatë dimrit të ftohtë mendohej se ata gjenin strehim te pemët e krishtlindjeve. Dhe mendohej, se nëse pemët nuk do të hiqeshin para Epifanisë, do të kishte probleme me bujqësinë dhe korrat. Edhe pse ne sot më së shumti përdorim pemë artificiale, nëse jeni supersticiozë më mirë boshatiseni shtëpinë sot nga dekorimet e festave.



