Prej kohësh producenti, aktori dhe moderatori, Ermal Mamaqi ka qenë në qendër të vëmendjes së mediave për shkak të lajmeve se atë nuk do ta shohim në ekran këtë sezon.
Duke qenë se gjatë kësaj periudhe Ermali ka qenë i angazhuar maksimalisht me filmin “I love Tropoja”, që pritet të thyejë rekorde, thashethemet mbi qëndrimin e tij në ekran kanë vazhduar për ditë me rradhë.
Mirëpo pak më parë, më në fund Ermali ka folur për herë të parë mbi gjithçka ishit kuriozë, me një status në rrjete sociale. Ermali njofton se ka vendosur të marrë një pauz të shkurtër si moderator dhe gjatë kësaj periudhe do të përqëndrohet tek karriera e tij në industrinë e kinematografisë.
Ermali bën të ditur se nga janari me shumë mundësi do e shohim me një format të ri emisioni për të cilin ka kohë që punon bashkë me ekipin krijues të Xing.al.
Në fund Ermali falenderon regjisoren, skenaristët, të gjithë stafin e “Xing me Ermalin”, televizionin Klan duke e mbyllur shkrimin me një shprehje nga Will Smith.
“Miq… Ju jam mirnjohës për mesazhet e shumta që më dërgoni në lidhje me Xing me Ermalin. E ardhmja jonë ndërtohet në momentet kur ne marrim vendimet. Dhe vendimet më të rëndësishme dhe që të çojnë përpara janë ato që të nxjerrin nga zona e rehatisë.
Kam marrë vendim të bëj një pauz të shkurtër në punën time si moderator. Si rrjedhojë…Xing me Ermalin nuk do të jetë, të paktën deri në janar në programet televizive. Karriera ime do të zhvendoset në industrinë e Kinematografisë dhe Marketingut në këto momente.
Në të njëjtën kohë bashkë me ekipin krijues të Xing.al po ndërtojmë një format të ri emisioni që me shumë mundësi vjen në muajin janar në Television.
Një falenderim të madh kam për Regjisoren Lorena Basha, Skenaristët Besnik Mustafaj dhe Klaudja Brahimaj, për Olimpjan dhe Bandën e Xingut si dhe për të gjithë stafin e palodhur dhe të çmendur të Xing me Ermalin. Mirnjohje Televisionit Kampion TVKlan për kushtet dhe për dashurinë e treguar në këto 3 vite. Ndërkohë miq ju pres në surpriza të reja që do tju mekin…
Se siç thotë dhe miku im Will Smith “në jetë nuk ka rëndësi sa herë merr frymë. Momentet që të lënë pa frymë janë ato që e bëjnë jetën tja vlejë”. Ju përqaputh të gjithëve”, shkruan Ermali.
