Prej kohësh kantautori Flori Mumajesi nuk ka qenë aktiv në skenën shqiptare.
Mirëpo dita e djeshme e riktheu atë ashtu siç të gjithë prisnim.
Ishte bashkëpunimi i Shkurte Gashit dhe Brunos që bëri Flori të vendosej sërish në vëmendje të mediave.
Kanë qenë të shumtë artistët që e kanë pëlqyer duetin ‘Jetën tënde’.
Shumë kanë shprehur edhe mbështetjen publike, siç ka qenë këngëtarja Xhensila Myrtezaj.
Kjo e fundit e shpërndau në Instagramin e saj dhe nuk nguroi të thotë disa fjalë të mira për muzikën dhe tekstin.
“Kombinim perfekt, muzika, dhe zërat”, shkruan Xhensila, duke përmendur emrat e Brunos, Florit, dhe Shkurtes.
