Ekspedita e 24 anëtarëve ukrainas në Antarktidë ka ndeshur në një shpellë të madhe nëntokësore e cila ishte bërë e pagjetshme prej kohësh pasi gjurmët që të çonin drejt saj kishin humbur.
Ata zbuluan se është tri herë më e madhe se ç’mendohej fillimisht, madje më shumë se shpellë: “Një botë e tërë nëntokësore”, sipas shkencëtarëve, “pasi nëpër të kalon një lumë dhe janë formuar dy liqene.”
“Bota nëntokësore” është gjetur në ishullin e Galindezit, shumë vite më parë. Por ngaqë hyrja për te shpella ishte bllokuar nga rrëzimi akujve, shkencëtarët ia kishin humbur gjurmët dhe ishte harruar.
Shpella është e ndarë në tri nivele me gjerësi 200 metra, dhe madje janë zbuluar pendët e një shpendi që mbetet ende për t’u verifikuar se cilës specie i përket, por që nuk është pinguin.
Shkencëtarët kanë marrë kampionë nga uji për t’i analizuar, pasi kanë qenë të paprekur nga njerëzimi.
