Nxënësit e shkollës së Pistullit në bashkinë Vau Dejës kanë vijuar protestën e tyre duke hyrë kështu në ditën e katërt.
Nxënësit atje nuk pranojnë që të futen në mësim pa rikthyer në punë mësuesin Ervis Belsija i cili u pushua pak ditë më parë pas një sherri fizik me një tjetër mësues brenda mjediseve të shkollës.
Mësuesi tjetër që u përfshi në këtë sherr u mbajt në punë ndërsa Ervis Belsija u pushua gjë për të cilën nxënësit nuk janë dakord dhe kërkojnë rikthimin e tij.
Nxënësit e shkollës së Pistullit në Vau Dejës thonë se gjithçka ishte e parapërgatitur përderisa mësuesit Ervis Belsija iu gjet zëvendësuesi brenda ditës ndërsa mësuesi tjetër i cili e provokoi dhe e qëlloi sipas pretendimeve të nxënësve vijon që të jetë në punë.
Protestës iu bashkuan edhe prindërit e nxënësve të shkollës së Pistullit në Vau Dejës.
Protesta dhe bojkoti i mësimit nga nxënësit e shkollës në Pistull pritet të vijojë edhe në ditët e ardhshme deri në rikthimin në punë të mësuesit Ervis Belsija.
