Njihuni me Kheris Rogers, 12 vjeçe, drejtuese e një biznesi që ka shitur mijëra bluza në mbarë botën.
Marka e saj është “Flexin’ In My Complexion” – një linjë veshjesh që përcjell mesazhe pozitive për qenë rehat me lëkurën tuaj.
Kheris e nisi biznesin në prill të vitit të kaluar dhe që prej asaj kohe ka fituar më shumë se 200,000 dollarë. Njëkohësisht është ambasadore e Nike dhe dizajnerja më e re që mori pjesë në Javën e Modës në New York në 2017-n.
“E dija gjithnjë që do të isha një dizajnere mode, por nuk dija ku ta nisja.” – tregon ajo për BBC.
“To flex in your complexion” ka kuptimin që të jesh krenar për ngjyrën e lëkurës.
Gjithçka përgatitet në garazhin e shtëpisë, duke filluar nga stilimi, printimi e deri tek shitja. Mamaja i dha vetëm 150 dollarë në fillim, ndërsa tani biznesi po rritet gjithnjë e më tepër.
“Kur njerëzit më shkruajnë, ndihem mirë pasi po shpërndaj pozitivitet. Mesazhi im po përcillet në mbarë botën.”
