Një djalë 7 vjeçar nga India ka pasur në gojën e tij më shumë se 500 dhëmbë, sipas medias vendase “New Indian Express”.
Më 11 korrik, P. Ravindran u dërgua në Kolegjin Stomatologjik Savetha dhe në Spital në Chennai, ku u trajtua për ënjtje në nofullën e poshtme të djathtë.
“Ne kurrë nuk kemi parë kaq shumë dhëmbë në asnjë vend,” i tha Times of India Dr. Senthilnathan, duke shtuar se ata e kapën gjendjen në fazat e hershme. Procedura, e cila kërkonte anestezi të përgjithshme, zgjati rreth një orë e gjysmë. Pas kësaj, iu deshën kirurgëve pesë orë për të hequr 526 dhëmbët e “qenit”.
“Dhëmbët ishin në madhësi të ndryshme që ndryshonin midis 0,1 mm deri në 15 mm”, tha ajo. “Ata dukeshin si perlat në një gocë deti. Edhe pjesa më e vogël kishte një kurorë, rrënjë dhe një shtresë smalti si dhëmbi”.
Pas ekzaminimeve, mjekët përcaktuan që operacioni ishte i nevojshëm për të trajtuar gjendjen e rrallë. Prindërit e tij fillimisht u pajtuan për të, por u deshën “disa orë” për ta bindur djalin.
