Kombëtarja shqiptare pësoi një humbje me shifrat 4-1, mbrëmjen e djeshme në “Stade de France” kundër Francës, duke ngjallur reagime të shumta nga specialistët dhe tifozët e futbollit në vend. Një prej kritikëve të shumtë të kuqezinjve është edhe ish-lojtari i kombëtares, Rudi Vata.
Ish-sulmuesi u shpreh se ekipi po kalon një moment delikat, teksa kërkoi që kapiteni, Mërgim Mavraj të largohet, pasi koha e tij në kombëtare ka përfunduar. Një deklaratë që ka gjetur menjëherë reagimin nga ana e mbrojtësit.
Përmes një “Instastory”, 33 vjeçari ka “thumbuar” Vatën, teksa ka publikuar një foto të ish-mesfushorit të kombëtares, Fatmir Vata, me mbishkrimin: “Unë vetëm një Vata njoh”. Koment i hidhur ky, që pritet të gjej reagimin e radhës nga ana e Vatës.
