Një vajzë e cila u ankua një natë të tërë për sandalet e dhimbshme që kishte veshur, e kuptoi ditën tjetër si kishte bërë një ‘gabim’ të vogël. I kishte veshur mbrapsht.
Ayleigh McGhee, nga Glasgow, po u ankohej miqve të saj se shumë po e lëndonin sandalet që kishte veshur, e sa të vështirë që e kishte që të ecte me to.
Por, vetëm kur nisi të shite disa foto ditën tjetër e kuptoi se i kishte veshur në mënyrën e gabuar gjatë gjithë kohës.
Por, ndërkohë që shumica prej nesh mund të zgjidhnim që ta mbanim këtë ‘gafë’ për veten tonë dhe mos ua tregonim të tjerëve, Ayleigh-it i doli situata nga duart. Një shoqja e saj vendosi që ta shpërndante historinë gazmore në Twitter.
Bashkë me një foto ku dukeshin sandalet e veshura mbrapsht, ajo shkruante:
Ayleigh e kaloi gjithë natën duke u ankuar sepse nuk mund të ecte me sandalet që kishte veshur dhe vetëm ditën tjetër në mëngjes e kuptoi që i kishte veshur mbrapsht.”
Postimi ka marrë një numër të madh komentesh ku shumica prej përdoruesve nuk kanë ngurruar që të qeshin me ‘fatkeqësinë’ e të resë.
