I konsideruar si fshati më i bukur i Shqipërisë, Lëpusha po tërheq gjithnjë e më shumë turistë falë peizazhit përrallor, ndërsa agjencitë parashikojnë se ai është e ardhmja e turizmit shqiptar.
Rreth 88 kilometra nga Shkodra, fshati i Lëpushës në skajin verior të Shqipërisë ndodhet në zemër të një peizazhi përrallor të malësisë së Kelmendit. Stina e vjeshtës ia ka shtuar edhe më shumë magjepsjen që përcjell fshati i konsideruar si më i bukuri i Shqipërisë nga guidat turistike, të cilat parashikojnë se Lëpusha është e ardhmja e turizmit në vend.
