Ne e dimë se ekzistojnë disa karakteristika të pamjes dhe fizikut tonë që mund të zbulojnë diçka për sjelljen dhe tipin tuaj! Si për shembull flokët! Disa studime të fundit thonë se gjatësia e flokëve tuaj përcakton disa pika të rëndësishme për personalitetin, duke përshkruar detaje dhe tipologji të karakterit tuaj.
Flokë shumë të shkurtër
Kjo lloj gjatësie pasqyron një person të qetë, shumë të shoqërueshëm dhe të pjekur. Kjo tregon se e keni më lehtë të bëni miqësi të sinqertë me një tip të tillë me flokë shumë të shkurtër. Ju jeni shumë të zgjuar kur bëhet fjalë për trajtimin e problemeve. Mbi të gjitha, ju preferoni rehatinë dhe një pamje të mirë. Një nga të metat tuaja është se keni aq shumë energji sa ndonjëherë veproni pa menduar, por në fund të fundit kërkoni zgjidhjen më të përshtatshme. Shefat e tu të respektojnë sepse shohin që e do punën tënde dhe i bën gjërat me pasion.
Flokë të shkurtër
Kjo gjatësi e flokëve tregon që ju jeni një person i ndershëm dhe i thjeshtë që flet me të vërtetën, pavarësisht sa e vështirë mund të jetë. Ju jeni një ekuilibër i përsosur midis jetës suaj personale dhe profesionale. Ju keni cilësinë e të menduarit të shpejtë dhe dini të përqendroheni.
Flokë me gjatësi mesatare
Ju jeni një person i cili është i kënaqur me pamjen fizike dhe nuk keni komplekse. Ju keni një aftësi të jashtëzakonshme për t’u përfshirë në një bisedë interesante, të kujdeseni për miqësinë, ju pëlqen të jeni elegante. Të tjerët tërhiqen nga bukuria juaj natyrore, edhe nëse nuk e pranoni. Ju i doni sfidat dhe projektet e reja.
Flokë të gjatë
Ju jeni një ëndërrimtar dhe do të jeni kështu, derisa të plakeni. Ju i doni romancat dhe nuk mund të prisni që të mbërrijë princi i kaltër. Ju keni ndjenja shumë të forta, kështu që mos kërkoni raporte të shkurtra, sepse dashuria juaj do të zgjasë aq shumë sa edhe flokët tuaj! Ju jeni një person krijues, por ndonjëherë keni aq shumë ide sa nuk dini nga t’ja filloni. Duhet të mësoni të jeni më të organizuar.
