Tri raste me variantin e ri të koronavirusit janë konfirmuar ditën e sotme në Kosovë.
Lajmin e ka konfirmuar Ministri i Shëndetësisë, Armend Zemaj. Në një konferencë për mediat, ai ka njoftuar se varianti i ri i COVID-19 është shfaqur edhe në Kosovë.
Zemaj bëri ne dije se gjatë ditëve të kaluara IKSHPK-ja ka dërguar 30 mostra në Gjermani për variantin britanik të virusit COVID-19 dhe prej këtyre mostrave, tri prej tyre kanë rezultuar pozitive ndaj variantit të ri të Covid-19.
Ai shtoi gjithashtu se situata epidemiologjikë në Kosovë është e qëndrueshme dhe e qetë.
