Komiteti Teknik i Ekspertëve është mbledhur sot për të prezantuar masat e reja, pas evidentimit të një mutacioni të ri të covid-19, atë Omicron.
Kështu duke u bazuar në situatën epidemiologjike, në rritjen e qarkullimit të virusit Omicron në Europë dhe vendet tona fqinje si Italia dhe Greqia, Komiteti ka vendosur që të ndalojë hyrjen e shtetasve të huaj me histori udhëtimi brenda 14 ditëve të fundit në vendet:
Afrikë e Jugut, Kenia, Angola, Zambia, Bostëana, Senegal, duke filluar nga data 3 dhjetor, për tre javë.
Shtetasit shqiptarë rezidentë, që vijnë në Shqipëri dhe kanë histori udhëtimi 14 ditët e fundit para mbërritjes, në vendet e listuara më sipër do të karantinohen në shtëpitë e tyre për 14 ditë dhe do të monitorohen nga njësitë shëndetësore.
