Pasi festoi në Shqipëri, festë surprizë për Ilirin edhe në Itali. Ishte bashkëshortja Emanuela Morini që kishte organizuar gjithçka me personazhe të njohur pa dijeninë e tij.

Këtë e ka zbuluar vetë balerini i njohur përmes disa postimeve në “Instastory”. Ai ka ndarë me ndjekësit e tij disa video ku shfaqet duke takuar miqtë e tij, duke kërcyer me gruan dhe më pas me vajzën, Emily.

Ndërkohë të ftuar ishin mjaft figura të njohura të Italisë, si artisti dhe koreografi Zinna Piero, sportistja Roberta Sodero apo edhe Kiko Nalli artisti që kuron imazhin e VIP-ave italianë.

Në festë ishte gjithashtu balerini Andrea Evangelista, gazetari i njohur Andrea Iannuzzi ndërsa Giada Nobile ishte këngëtarja e festës.

Ilir Shaqiri ka njoftuar se do të martohet në muajin qershor. Lajmin e ka dhënë vetë Iliri i ftuar nga Edi Manushi në emisionin e së dielës në Top Channel.

Balerini u shpreh se ka zhvilluar një ceremoni me bashkëshorten në kishë, por dasmë të vërtetë shqiptare nuk ka bërë akoma dhe i ka ngelur peng.