Ish-deputetja e PD-së, Rudina Hajdari iu drejtua mbrëmjen e djeshme deputetit të PD-së,
Gazment Bardhit duke i thënë që t’i kërkojë një ndjesë publike pasi sipas saj e kanë përjashtuar nga PD-ja kur mbajti mandatin e deputetes në një kohë që pjesa më e madhe e deputetëve të kësaj partie e dorëzuan.
Nga ana tjetër, deputeti Bardhi është shprehur se ndaj Hajdarit nuk ka pasur asnjë masë disiplinore pasi nuk është anëtare e PD-së. Pjesë e debatit u bë edhe drejtuesi i emisionit Blendi Fevziu.
Rudina Hajdari: Si nuk mund të merret një vendim për një deputet të Partisë Demokratike, që patjetër ka një statut për këto rregulla?!
Blendi Fevziu: Po nuk je anëtare e PD-së, pra thotë.
Rudina Hajdari: Po si u bëra unë deputete atëherë?!
Blendi Fevziu: S’ka rëndësi, nuk është e thënë.
Rudina Hajdari: S’ka rëndësi ë?! Nuk vlen fare fakti që jam e bija e Azem Hajdarit?
Blendi Fevziu: Mos e ktheni personale.
Rudina Hajdari: Nuk e kthej personale, por është absurde ajo që thotë.



