Në një intervistë përballë moderatores Rudina Dembacaj në emisionin “Part Time” në Tv Klan, këngëtarja Valbona Mema ka rrëfyer disa detaje nga jeta e saj personale dhe ajo profesionale.
Rudina Dembacaj: Si t’u duk puna si kamariere?
Valbona Mema: Mendoj se këtu duhet të jesh i buzëqeshur gjatë gjithë kohës. Jo i lodhur. Duhet t’i japësh energji pozitive shumë njerëzve.
Rudina Dembacaj: Cila ka qenë puna jote e parë?
Valbona Mema: E para fare ka qenë në poligrafik. Kënaqësi shumë e madhe. Kam qenë shumë e vogël.
E pyetur nga Rudina Dembacaj se kë do të donte të kishte në tavolinën ngjitur, Valbona Mema është shprehur se do të donte të kishte bashkëshortin e saj të ndjerë, Sokolin.
Rudina Dembacaj: Kë do të doje të kishe tek tavolina ngjitur tani?
Valbona Mema: Sokolin.
Rudina Dembacaj: Prapë Sokolin?
Valbona Mema: Po.
Rudina Dembacaj: Gjithmonë.
Pyetjes së a ndjen konkurrencë me këngëtarët e rinj, artistja Mema i është përgjigjur se jo teksa ka shtuar se i vlerëson ata.
Rudina Dembacaj: A ndien konkurrencë me këngëtarët e rinj?
Valbona Mema: Absolutisht jo, biles i vlerësoj.
Rudina Dembacaj: Sa e pazëvendësueshme ndihesh në treg Valbona?
Valbona Mema: Askush nuk është i pazëvendësueshëm./tvklan.al
