Shpesh herë shoqëria fajëson shoferët për shkeljen e rregullave të qarkullimit, por një pjesë e mirë e shkeljeve bëhen edhe nga vetë këmbësorët. Një ilustrim mjaft i mirë na vjen nga kjo video e dërguar në redaksinë tonë nga Tirana.
Një qytetar ka filmuar se si një qen pret me durim te vizat e bardha ndërkohë që semafori është i kuq. Por befas aty duket një këmbësore e cila kalon me të kuqe pa problem fare, duke përbërë rrezik jo vetëm për vete por edhe për shoferët të cilët nga ana e tyre e kanë semaforin me ngjyrë jeshile.
Qeni megjithatë nuk dëshpërohet dhe vazhdon të presë derisa të kalojnë makinat dhe të hapet drita jeshile.
